(Текст предоставил: Инна Шабельная)

Шабельная Инна

Гора, гора (Горе, горе).

                  муз. Инна Шабельная,
                  стихи Фр. Богушевича.

Каб мне голас добрый мець,
Каб мне гора куды дзець,
Каб жа гора бог не даў,-
Я б вясёла заспяваў.
   Склаў я гора у аклунак,
   Склаў бяду сваю фрасунак,
   Кінуў ў рэчку аж да дна,-
   Прыйшло гора, як штодня.

Ўзяў я гора ды ў анучу,
Кінуў у полымя - агонь,
Ніяк гора не замучу:
Гора горам, як штодзён.
   Узяў я гора ды на вожжы,
   Завёў у лес, скруціў да пня.
   Заўтра гора як свет божы,
   Ўлезла ў хату як як штодня
Ой, гора! Ой, гора ж маё!

Склаў я гора ды у дошкі,
Закапаў у вялікі роў,
Адышоў ад ямы трошкі,
Аж у хаце гора зноў.
   Завярнуўшы у салому
   Гора ў лапаць палажыў.
   Абуў лапаць, сышоў з дому
   Гора горам, - лапаць згніў.

Склаў я гора ў тарбіну,
Аж у Мерыку адвёз,-
Думаў: тут або я згіну,
Або з гора будзе лёс.
   Дык і тут няма пакою
   З горам лёг і з горам устаў;
   Мусіць Бог яго з душою
   Разам возьме, разам даў!
Ой, гора! Ой, гора ж маё!