(Текст предоставил: Евгений Барышников)

Барышников Евгений

Шчасьце (Счастье).

                  Евгений Барышников.

маё шчасьце — адзін тэлефонны званок
сярод вусьцішнай цішы бясконцае ночы.
маё шчасьце — ў рукох спавівач-паясок
і ўдзячныя мокрыя вочы.

маё шчасьце — адно толькі слова "прыходзь".
і ў пагоні за сэрцам, што мне ўжо даўно не належыць,
у шалёным галопе зьдзіраючы пыху і плоць,
прылячу, зруйнаваўшы ўсе перашкоды і межы.

маё шчасьце — бязьмернай ды марнай пяшчоты лісты,
недасланыя, каб не трывожыць.
маё шчасьце, каханая, — гэта ты.
для цябе толькі варта было жыць.

маё шчасьце — стаптанае коньмі быльлё,
пустазельлем названае, жухлай травою.
маё шчасьце цяпер — гэта шчасьце тваё...
...калі нават ты мецьмеш яго не са мною.

02.04.2010
ноч, пакой бяз столі