(Текст предоставил: Евгений Барышников)

Барышников Евгений

Посмотреть (исп. автор)

Мужчынская справа (Мужское дело).

                  Евгений Барышников.

Не мужчынская справа скардзіцца,
Мужчынская справа — скарыць.
Не мужчынская справа плакацца,
Мужчынская справа — плаціць.

Бо каб правіць — мала быць правым, 
Мала верным быць, каб веры даць. 
І здаецца мужчынскаю справай
Лёгкі крок ад кахаць да караць,
Марш-кідок ад помніць да помсьціць,
Апэркот ад забыць да забіць...
Вырваць сэрца, раструшчыць косьці.
Не любіць, не любіць, не любіць.

Ды цкаваць — не мужчынскі занятак.
Мужчынская справа — трываць.
Я — скала. Я ёсьць моц і парадак.
Што ўнутры? Мае не хваляваць.
А ўспаміны? Рваць абцугамі.
Ну а сэрца? У кайданах душыць.
І язык трымаць за зубамі,
І спакой насаджаць у душы.

Бо каб правіць — мала быць правым, 
Мала верным быць, каб веры даць.
Ды мужчынскаю годнаю справай
Ёсьць сыход ад караць да канаць.
У нябыт паміж помсьціць і помніць,
Між забыцца, забыць і забіць.
Вырваць сэрца сабе, зьнепрытомець.
Толькі каб не любіць, не любіць.

А пасьля, пад штучнымі ружамі
На магіле ўласнай чакаць,
Калі сэрца зноў рушыць здужае
Ў доўгі шлях ад канаць да кахаць.
15.01 — 7.02.2010